Договорная
МУТАХАССИСИ ТЕХНОЛОГИЯҲОИ РАҚАМӢ ҶИҲАТИ БАРРАСӢ, АРЗЁБӢ ВА САНҶИШИ 10 ПЛАТФОРМАИ РАҚАМӢ
Душанбе
★★★★★Оставить первый отзывХарактеристики
Описание
Эълон барои ҷалби мутахассисони касбӣ оид ба арзёбӣ ва таҳлили платформаҳои рақамии соҳаи кишоварзӣ. Ташкилоти ғайритиҷоратӣ ва байналмилалии башардӯстонаи Good Neighbors дар Ҷумҳурии Тоҷикистон (GNT) дар доираи татбиқи лоиҳае, ки ба табдили рақамии соҳаи кишоварзӣ ва дастгирии деҳқонони ҷавон равона гардидааст, ҷалби ду мутахассиси ботаҷриба ва дорои малакаҳои касбӣ дар самти технологияҳои рақамӣ ва таҳлили платформаҳои рақамиро эълон менамояд. Ин мутахассисон вазифадор мешаванд, ки арзёбии ҳамаҷониба ва таҳлили истифода ва самаранокии ҳадди ақал 10 платформаи рақамиро дар соҳаи кишоварзӣ амалӣ созанд. Ҳадафи асосии ин вазифа таҳлилу арзёбии функсионалӣ, қобилияти дастрасӣ, мувофиқат ба талаботи корбарон ва сатҳи истифодаи платформаҳои рақамии вобаста ба масъалаҳои бозор, иқлим ва хизматрасониҳои машваратӣ мебошад. Мутахассисон бояд дар доираи муҳлати муайяншуда бо истифода аз усулҳои гуногуни таҳлилӣ, аз ҷумла омӯзиши ҳуҷҷатҳо, вохӯриҳо бо ҷонибҳои манфиатдор ва санҷиши амалии платформаҳо бо иштирокчиёни воқеӣ кор кунанд. Ин лоиҳа имконият медиҳад, ки беҳбудиҳо ва тавсияҳои судманд барои рушди минбаъдаи платформаҳо ва ҳамгироӣ бо стратегияҳои миллии кишоварзӣ пешниҳод карда шаванд, то ки деҳқонони ҷавон ва дигар корбарони соҳа ба воситаҳои рақамӣ дастрасии васеътар дошта бошанд ва истифодаи онҳо ба ҳадди максималӣ расонида шавад. Вазифаҳо ва уҳдадориҳои асосӣ • Баррасӣ ва санҷиши амалии 10 платформаи рақамии соҳаи кишоварзӣ, ки ба ҳалли масъалаҳои бозор, иқлим ва хизматрасониҳои машваратӣ равона шудаанд. • Иҷрои арзёбӣ дар муҳлати 10 рӯз, ки аз таҳлили ҳуҷҷатҳо, мулоқот бо дигар ҷонибҳои манфиатдор (монанди Ilmkhona, Tajrupt, WWH, AKF ва дигарон) ва санҷиши қобилияти истифода бо иштироки 30–40 деҳқони ҷавон иборат аст. • Арзёбӣ бо назардошти мутобиқат ба талаботи забонӣ, талаботи интернетӣ ва қулайии истифода. • Пайдо ва таҳлили платформаҳои маҳаллӣ дар Тоҷикистон, ки дар АгриТех Обзерватория (AgriTech Observatory) сабт шудаанд (масалан, AgroInfo, FarmStack, TajAgro Market). • Баргузор кардани мусоҳибаҳо бо ширкатҳои хусусӣ ё таҳиягарони платформаҳо барои дарёфти маълумот дар бораи функсионалӣ, қобилияти васеъшавӣ ва мутобиқат ба эҳтиёҷоти деҳқонони ҷавон. • Пешниҳод кардани тавсияҳои амалӣ барои беҳбуди истифода ва густариши татбиқи технологияҳо дар соҳаи кишоварзӣ. • Омода кардани тавсияҳои муфид барои беҳбуди истифода ва густариши татбиқи ин технологияҳо дар соҳаи кишоварзӣ.
Условия работы
Мӯҳлати пешниҳоди дархостҳо: 05.01.2026 Таҷрибаи корӣ (гузаронидани тадкикот): На кам аз ду сол Ҷойгиршавӣ: ш. Душанбе Навъи шартнома: Шартномаи хидматрасонӣ кӯтоҳмуддат Good Neighbors созмони ғайритиҷоратии байналмилалӣ оид ба рушди башардӯстона буда, соли 1991 дар Корея Ҷанубӣ таъсис ёфтааст. Good Neighbors дар 50 кишвари ҷаҳон фаъолият менамояд ва барои рушди ҷомеа, ҳифзи ҳуқуқи кӯдакон ва ҳавасмандгардонии эътимоднокии ҷомеа сару кор дорад. Созмони Good Neighbors (GNT) дар ҶТ аз соли 1998 фаъолият намуда, барои беҳтар кардани зиндагии мардум, махсусан кӯдакон тавассути омӯзиш, рушди ҷомеа ва ҳамчунин лоиҳаҳои кӯмаки башардустона фаъолият менамояд. Good Neighbors (GNT) дар ҶТ бо ҷонибҳои асосии манфиатдор, аз қабили Вазорати маориф, Вазорати тандурустӣ, Вазорати меҳнат ва муҳоҷират, Кумитаи кор бо занон, мақомоти маҳаллӣ, ташкилотҳои байналмиллалии рушд, СММ ва оҷонсиҳои донорӣ аз қабили Иттиҳоди Авруппо, GIZ, UNICEF, WFP, SCO ва ғайраҳо ба тариқи пайваст кардани ҷамоатҳои камбизоат ва осебпазир ба таҳсилоти босифат, тандурустӣ, таъмини об ва хизматрасониҳои беҳдоштӣ- санитарӣ фаъолият менамояд. Good Neighbors барои он вуҷуд дорад, ки ҷаҳонро ба макони бегуруснагӣ табдил диҳад, дар он ҷое ки мардум бо ҳам мувофик зиндагӣ мекунанд. Good Neighbors ба ҳуқуқҳои инсонии осебпазиртарин новобаста аз синну сол, ҷинс, фарҳанг, мансубияти этникӣ, маъюбӣ ва эътиқод эҳтиром мегузорад ва ба онҳо кӯмак мекунад, ки дар шароити мустақилона зиндагӣ кунанд. Дар мувофиқа бо ҳадафҳои мо, Good Neighbor боварӣ дорад, ки ҳама ҳуқуқҳои инсонии одамон бояд эҳтиром карда шаванд. Мо дарк мекунем ва вазифадорем, ки ҳуқуқҳои онҳоро ҳифз кунем ва ҳама гуна зиёнро пешгирӣ намоем. Аз ин рӯ, Good Neighbors нисбат ба ҳама гуна амале, ки боиси зарари ҷисмонӣ, ҷинсӣ, равонӣ, зӯроварӣ, истисмор ва зӯроварии эмотсионалӣ мегардад, махсусан барои кӯдакон (ҳар шахси зери синни 18-сола), занон ва калонсолони осебпазир таҳаммулнопазир аст. Ҳифз ва муҳофизат аз истисмор ва сӯиистифодаи ҷинсӣ (PSEA) масъулияти муштараки ҳама ба ҳисоб меравад ва аз тамоми кормандон ва шарикони GN талаб карда мешавад, ки Кодекси рафтори GN-ро ҳам дар вақти корӣ ва ҳам берун аз он риоя намоянд. Шинос шудан бо ва риояи Сиёсати ҳифзи кӯдакон ва калонсолон ва Кодекси рафтори GN оид ба ҳифзи бехатарӣ, илова бар омӯзиши ҳатмӣ, як талаботи муҳим нисбати тамоми кормандон ва шарикони ташкилот ба ҳисоб меравад . Ҳама кормандон ва шарикон бояд боварӣ ҳосил намоянд, ки онҳо банди мазкурро пурра дарк намудаанд ва мувофики он амал мекунанд, лутфан ба https://www.goodneighbors.org/who/account нигаред.
Требования
Талабот ба довталаб • Дониши хуб ва таҷрибаи корӣ дар самти технологияҳои рақамӣ, махсусан арзёбӣ ва таҳлили платформаҳои рақамӣ. • Фаҳмиши амиқ дар соҳаи кишоварзӣ ва шиносоӣ бо платформаҳои рақамии марбут ба масъалаҳои бозор, иқлим ва хизматрасониҳои машваратӣ. • Қобилияти иҷрои санҷишҳои амалӣ ва таҳлили қобилияти истифодаи платформаҳо бо корбарони ниҳоӣ. • Таҷрибаи кор бо воситаҳои санҷишӣ ва таҷҳизоти рақамӣ барои арзёбии функсионалӣ ва осонии истифода. • Тавоноии ҳамкорӣ ва муошират бо ҷонибҳои гуногуни манфиатдор, аз ҷумла созмонҳои маҳаллӣ ва деҳқонони ҷавон. • Қобилияти таҳлилу оморшиносӣ ва омода кардани ҳисоботҳои муфассал. • Донистани забонҳои давлатӣ ва малакаи муошират ба сатҳи баланди адабӣ ва техникӣ Давомнокӣ ва шартҳои кор • Давомнокии кор: тибқи нақшаи лоиҳа (кӯтоҳмуддат); • Шакли ҷалб: шартномавӣ; • Ҷойи иҷрои кор: Тоҷикистон (бо имкони сафари саҳроӣ). Маълумоти иловагиро дар бораи ҷойи кории холӣ ТАНҲО ҳангоми мусоҳиба гирифтан мумкин аст. Нафарони хоҳишманд метавонанд ахборотро оиди таҷрибаи кории худ дар формати ташкилоти Good Neighbors GNT-Application-Form (дар замима) пуркарда ба суроғаи электронии ташкилот gnt.humanresources@gmail.com ва arina.nam@goodneighbors.org то санаи 05 январи 2026 сол ё ба суроғаи зерин: шаҳри Душанбе, кӯчаи Гурминҷ Завқибеков 34/3 пешниҳод намоянд. (назди театри лухтак, Стадиони «Спартак», Боғи бачагона). Маълумоти иловагиро оид ба ташкилот метавонед дар сомонаҳои зерин пайдо намоед: www.goodneighbors.org www.goodneighbors.tj https://www.facebook.com/gntajikistan/ https://www.instagram.com/goodneighbors_tj/ https://www.linkedin.com/company/15834558/
Задайте вопрос
Работодатель ответит вам в чате Paydo
Good Neighbors Tajikistan
21 Обьявлений
